2016 جىلعى 18 اقپان, استانا, ۇكىمەت ءۇيى
پەستيتسيدتەردى (ۋلى حيميكاتتاردى) ءوندىرۋ (فورمۋلياتسيالاۋ), پەستيتسيدتەردى (ۋلى حيميكاتتاردى) وتكىزۋ, پەستيتسيدتەردى (ۋلى حيميكاتتاردى) اەروزولدىك جانە فۋميگاتسيالىق تاسىلدەرمەن قولدانۋ جونىندەگى قىزمەتتى ليتسەنزيالاۋدى جۇزەگە اسىرۋ بويىنشا ليتسەنزياردى ايقىنداۋ تۋرالى
«رۇقساتتار جانە حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭى 10-بابىنىڭ 2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. مىنالار:
1) وبلىستاردىڭ (رەسپۋبليكالىق ماڭىزى بار قالانىڭ, استانانىڭ) جەرگىلىكتى اتقارۋشى ورگاندارى پەستيتسيدتەردى (ۋلى حيميكاتتاردى) ءوندىرۋ (فورمۋلياتسيالاۋ), پەستيتسيدتەردى (ۋلى حيميكاتتاردى) وتكىزۋ, پەستيتسيدتەردى (ۋلى حيميكاتتاردى) اەروزولدىك جانە فۋميگاتسيالىق تاسىلدەرمەن قولدانۋ جونىندەگى قىزمەتتى ليتسەنزيالاۋدى جۇزەگە اسىرۋ بويىنشا ليتسەنزيار;
2) قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى جانە (نەمەسە) ونىڭ اۋماقتىق بولىمشەلەرى پەستيتسيدتەردى (ۋلى حيميكاتتاردى) ءوندىرۋ (فورمۋلياتسيالاۋ), پەستيتسيدتەردى (ۋلى حيميكاتتاردى) وتكىزۋ, پەستيتسيدتەردى (ۋلى حيميكاتتاردى) اەروزولدىك جانە فۋميگاتسيالىق تاسىلدەرمەن قولدانۋ جونىندەگى قىزمەتتى جۇزەگە اسىرۋعا ليتسەنزيا بەرۋدى ءوتىنىش بەرۋشىنىڭ قازاقستان رەسپۋبليكاسى زاڭناماسىنىڭ تالاپتارىنا سايكەستىگى بولىگىندە كەلىسۋدى جۇزەگە اسىراتىن ۋاكىلەتتى ورگان بولىپ ايقىندالسىن.
2. «پەستيتسيدتەردى (ۋلى حيميكاتتاردى) ءوندىرۋ (فورمۋلياتسيالاۋ), پەستيتسيدتەردى (ۋلى حيميكاتتاردى) وتكىزۋ, پەستيتسيدتەردى (ۋلى حيميكاتتاردى) اەروزولدىك جانە فۋميگاتسيالىق تاسىلدەرمەن قولدانۋ جونىندەگى قىزمەتتى ليتسەنزيالاۋدىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2012 جىلعى 29 جەلتوقسانداعى № 1754 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2013 ج., № 6, 147-قۇجات) كۇشى جويىلدى دەپ تانىلسىن.
3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.